Gjatė ditės sė martė dhe tė mėrkurė do tė zhvillohen pėrballjet e parė e ēerekfinales sė Ligės sė Kampionėve.
Futbollistët e Mançester Junajtedit, Arsenalit, Liverpullit dhe Çellsit do të mundohen në dy ditëve e ardhshëm, kur zhvillohen ndeshjet e çerekfinales së Ligës së Kampionëve, të vërtetojnë dominimin e klubeve angleze në Evropë. "Pengesa" kryesore në ecjen e tyre do të jenë Shalke, Barcelona, Roma dhe Fenerbahçe.
Gjatë ditës së martë dhe të mërkurë do të zhvillohen përballjet e parë e çerekfinales së Ligës së Kampionëve. Të martën, Roma do të mirëpret Mançester Junajtedin dhe Shalke do të jetë përball Barcelonës. Roma do të jetë e dobësuar në përballjen e parë me Mançesterin për shkak të mungesës së mesfushorit me ndikim Françesko Toti, i cili u lëndua në përballjen e fundit ndaj Kaljarit. Te "Djajt e Kuq" nga Mançesteri do të mungojë portieri Edvin van der Sar, për shkak të lëndimit. Barcelona në dyluftimin me Shalken do të udhëtojë pa Ronaldinjon dhe Dekon, ndërsa te vendasit do të mungojnë Bordon dhe Grosmyler.
Gjatë ditës së mërkurë, Arsenali në stadiumin "Emirat" do të mirëpret finalistën e edicionit të kaluar të Ligës së Kampionëve, skuadrën e Liverpullit, ndërsa Fenerbahçe zhvillon përballjen e parë ndaj Çellsit. Arsenali dhe Liverpulli do të zhvillojnë 3 ndeshje brenda 7 ditëve, 2 përballje do të zhvillojnë në Ligën e Kampionëve dhe një në Premier Ligën e Anglisë gjatë fundjavës. Çellsi është favorit ndaj Fenerbahçes, ku do të mungojnë Roberto Karlos përmes lëndimit dhe Gokhan Gonul, me kartona të verdhë. Të gjitha ndeshjet fillojnë në ora 20.45.
