Gjithçka ka nisur me një shkrim të botuar pak ditë më parë në një të përditshme. Në një intervistë këngëtarja e njohur tregon që në repertorin e saj kohët e fundit ka futur edhe këngët popullore të Shqipërisë së jugut.

Më pas ka treguar se kjo është mëse normale mbasi vetë ajo është nga jugu, nga Fieri. Por mesa duket e gjitha kjo është keqkuptuar pasi jugu i Shqipërisë në kopertinën e gazetës është transformuar në “Greqi”. Kështu lajmi se Rovena Stefa qenka greke, mori dhenë.

Mirëpo të gjithë e dimë qe Rovena është një këngëtare shumë e pëlqyer, sidomos në Diasporë, një target njerëzish këta shumë sensibël ndaj prejardhjeve dhe me shumë patriotizëm brenda shpirtit të tyre, dhe fansat atje shpesh e kanë cilësuar si Adelinën e Shqipërisë Rovenën për simpatinë që kanë për të. Mirëpo duket sikur sedra e tyre është fyer nga këto komente dhe nga ky keqinfoirmim.

Keshtu mesuam se avokati i Rovenes ka pergatitur procedurat per ta çuar këtë çështje në gjykatë për të vënë në vend të vërtetën dhe për të mbrojtur dinjititetin a këngëtares. Po këto kohë këngëtares i është dashur të përballet edhe me të tjera shpifje në media, madje ka çuar në gjykatë një të përjavshme duke e akuzuar për ofeza dhe shpifje. Duke u kthyer tek këngët e jugut nga e cila rrodhën të gjitha komentet mbi prejardhjen e saj, ia vlen të përmendim se vetëm mbas shumë vitesh karrierë, Rovena provon me muzikën e jugut.



Ajo ka lëvruar gjithmonë muzikën e Shqipërisë së veriut dhe atë asaj të mesme. Pat provuar me këngën “Djalë më bën magji” dhe nga suksesii kësaj kënge ka vijuar me rrymën turbo folk të këtyre trevave duke vijuar më pas me “Dasma”, “Llokum” etj. Shpesh në intervista ajo tregon se i është kthyer muzikës shqiptare tamam në atë kohë kur të gjithë rendnin drejt muzikës së huaj dhe rëndësinë e kësaj muzike e ka mësuar sidomos kur shkonte në diasporë ku të gjithë donin të dëgjonin vetëm muzikën e mirëfilltë shqiptare.

Edhe pse incidentet e lartpermendura nuk janë të këndshme, ato nuk e kanë penguar këngëtaren për të vijuar me axhendën e saj e cila është si gjithmonë shumë e ngjeshur.Sipas burimeve tona, këngëtarja është çdo fundjavë e ftuar në diasporë pasi prefeorohet ndër të tjera edhe për të kënduarit live.Gjithashtu duket se e gjitha´kjo është me mjaft leverdi për këngëtaren e cila nga çdo koncert merr 4000 euro.Ndërkohë në verë thuhet se do të vijojë me diskon e saj në breg të detit në Durrës, një biznes ky i nisur verën e kalaur, por që pritet që këtë verë të zgjerohet akoma më tepër.