Ditėn e hėnė filloi nė gjykatėn e landit nė Frankfurt me vonesė dhe pa sensacione procesi gjyqėsor civil, mė i madhi nė historinė e ekonomisė nė Gjermani.
Rreth 16.000 paditës duan që Telekomi gjerman t'u kthejë paratë nga humbja e vlerës së aksioneve të Telekomit. Të gjithë pjesëmarrësit në këtë proces prekin një toke të re në aspektin juridik. Sepse në Gjermani nuk është praktikë e njohur si në Amerikë, që të ketë padi kolektive. Madje për këtë u nxorr një ligj i ri.
Aksionet të T i gjigandit Telekom duhet të ktheheshin në aksione popullore. Por pas nxjerrjes në qarkullim të aksionit të tretë T, vlera e aksioneve pas arritjes së kuotës 103,50 Euro ra në mënyrë dramatike. Kush bleu në emetimin e tretë aksione me vlerë 66,50 Euro humbi dy vjet më vonë dy të tretat e parave. Nuk ka çudi që shumë aksionerë janë të zemëruar për shprehjet e atëhershme të shefit të Telekomit, Ron Sommer: "Sigurisht ndjehesh i tallur nga ai Ron Sommer, këtë mund ta them me bindje" thotë një qytetar.
Në të vërtetë aksionerët janë përgjegjës për vendimet që marrin-pra për humbjet e tyre në bursë. Por kur Telekomi në vitin 2001 duhej të korrigjonte për poshtë me 2,5 miliardë vlerën e imobilieve të tij, paditësit shfrytëzuar momentin. Pronat janë të mbivlerësuara, argumentuan ata. Për pasojë të dhënat në manualin e bursës me rastin e futjes për herë të tretë të aksioneve kanë qenë të gabuara, madje dhe çmimi i aksioneve ka qenë më i lartë se sa duhej.
Të 16.000 paditësit kërkojnë rreth 80 milionë Euro dëmshpërblim, një shumë kjo aq e madhe për Telekomin. Me një ujdi pa gjyq historia do të ishte mbylluar para 7 vjetësh, por telekomi refuzon këtë. Sipas tij një pagesë e tillë do të ishte e padrejtë kundrejt atyre aq nuk shkuan tek gjykatësi.
Paditë kolektive nuk janë të praktikuara në Gjermani. Por me 16.000 procese të veçauar gjyqësore, drejtësia gjermane do të mbingarkohej së tepërmi. Për këtë u nxorr në ligj në vitin 2005 për rregullimin e padive kolektive, i cili lejon procese model, gjatë kësaj kohe nuk zhvillohen procese të veçuara.
Andreas Tilp njëri nga 900 avokatët e 16.000 paditësve thotë: Rëndësia e këtij ligji është qëndron në atë 16.000 paditës në një proces civil nuk ka pasur kurrë. Për këtë arsye në këtë proces ne shkelim nëpër një tokë të panjohur nga pikëpamja juridike", thotë ai.
