Kjo do të jetë kryendeshja e gjysmëfinales pasi që të dyja skuadrat elitare do të kërkojnë rezultat më të mirë për ndeshjen e kthimit.

Të mërkurën në program janë ndeshjet e para të gjysmëfinales së Kupës së Maqedonisë.
Kryesuesi i renditjes në Ligën e parë Rabotniçki K., në terren të vet do të përballet me Makedonija GJ.P. Kjo do të jetë kryendeshja e gjysmëfinales pasi që të dyja skuadrat elitare do të kërkojnë rezultat më të mirë për ndeshjen e kthimit. Makeodnija Gj.P vetëm përmes këtyre garave e sheh mundësinë e saj për të dalë në Evropë, por "romantikët" kërkojnë kualifikim e tyre të parë në finalen e Kupës.
Në ndeshjen e dytë Milano shihet si favorit në përballjen me skuadrën e Ligës së Dytë "Nov Milenium" nga Strumica. "Kuq e zinjtë" nga Kumanova, aspak nuk nëncmojnë kundërshtarit dhe gjithë janë mobilizuar me të vetmin qëllim që në përballjen e parë të sigurojnë kualifikimin në finalen e parë të Kupës së Maqedonisë. Nga këto 4 skuadra që sivjet janë ndër më të mirat, vetëm Makedonija Gj.P. një herë ka fituar Kupën e Maqedonisë. Mbajtës i trofeut është Vardari.