Liverpulli mundi Arsenalin me rezultat 4 – 2, ndërsa Çellzi mposhti Fenerbahçen duke goditur dy herë portën e turqëve

Dy skuadrat e para që kanë siguruar kualifikimin në gjysmëfinalen e Ligës së Kampionëve janë dy ekipet nga Premier Liga Liverpull dhe Çellzi. Në ndeshjen mes dy skuadrave angleze Liverpulli edhe përkundër disavantazhit që kishte në fund me rezultat 4 – 2 mundi Arsenalin. Duke pasur parasyh rezultatin nga ndeshja e parë 1 – 1 djemtë e trajnerit Rafa Benitez në fund me plotë meritë iu gëzuan kualifikimit për në gjysmëfinale. Në ndeshjen tjetër zhvilluar në "Stemford Brixh" Çellzi me rezultat 2 – 0 mundi Fenerbahçen. Serinë e golave në këtë ndeshje e hapi gjermani Mihajll Ballak që në minutën e katërt ndërkohë në çastet e fundit të takimit Frenk Lampard vulosi fatin e turqve. Me këto fitore Liverpull dhe Çellzi përbëjnë çiftin e parë gjysmëfinal ndërkohë çifti tjetër do të mësohet nesër kur ndeshjet e tyre do ti zhvillojnë Mançester Junajtedi – Roma dhe Barcelona – Shallke.