Instituti Italian i Kulturės, nė bashkėpunim me Shoqatėn Miqtė e Vilės Strohl Fern tė Romės, prezanton nė Tranė ekspozitėn "Shkolla Romane - Artistėt nė Romė midis dy luftėrave."
Më 11 prill deri 7 maj në Galerinë Kombëtare të Arteve në Tiranë, ky tur shëtitës në Rumani, Shqipëri dhe Serbi që po promovon Ministria e Punëve të Jashtme, është një lloj udhëtimi imagjinar nëpërmjet ekspozimit të dyzetetetë pikturave, skulpturave, vizatime e një bërthame dokumentesh origjinale (katalogë, libra, letra, fotografi, revista). Të marra hua në shumicën e rasteve nga trashëgimtarë e nga arkivat e artistëve si dhe nga institucione kulturore të Romes.
Intinerari i ekspozitës është i ndarë në tri seksione: Artistët dhe studimi që përmbledhin autoportrete, portrete të artistëve dhe ndonjë peizazh. Për shembull "Qyteti i Shpirtit", titulli i marrë nga përmbledhja me poezi lirike i Giorgio Vigolos (1923), jep një mënyrë personale të artistëve për të perceptuar qytetin e Romës, e mbushur me histori e mite antike, por edhe me mënyrën e të jetuarit të përditshëm. Në këtë seksion ndjekin njëra-tjetrën pamje nga vendet e përzgjedhura të artistëve, që paraqesin vizionin e një Rome monumentale.
Seksioni i fundit, "Trupa që kanë formë", i dedikohet prirjes natyrale e treguar nga artistët për t'i mbështjellë subjektet e veprave të tyre në një atmosferë "shtangie rrezëllitëse", dhe këtë referim estetik e gjejmë tek piktura katërqind vjeçare e Piero della Francesca.
Ekspozita vijon më pas në Beograd, në Galerinë e Artit Modern të Fiumes, 1 korrik- 20 gusht dhe në Bukuresht,Muzeu Kombëtar i Arteve të Rumanisë, 15 shtator-15 tetor.
