Busti i poetit të rilindjes shqiptare, i cili dy vjet më parë u përurua në qendër të Parkut Herastrau, më i madhi dhe më i rëndësishmi në Bukuresht është ai i ish-Lidhjes së Shkrimtarëve dhe Artistëve

Skulptura në bronz, dy vjet më parë është marrë me urgjencë nga salla e madhe e konferencave të ish-lidhjes, (sot MTKRS) për t’u dërguar në Bukuresht, në kuadrin e Samitit të XI të Frankofonisë që u mbajt më 22-29 shtator 2006. Këtë lajm e konfirmon dhe ish-drejtori i LSHA-së, Zyhdi Morava, i cili tregon se specialistë të Ministrisë së Kulturës, në atë kohë e kanë marrë bustin e Naim Frashërit nga Lidhja për ta ccuar në Bukuresht. “Ishte ccështje kohe, sepse ata kishin kërkuar të realizohej një bust i Naim Frashërit, por nuk u mundësua, ndaj edhe erdhën morën atë të sallës sonë. Ndërkohë më vonë ai bust u zëvendësua me një tjetër të ri”, shprehet Morava. Busti i poetit sot ndodhet krahas busteve të shkrimtarëve më të njohur të kulturës universale si Balzak, Victor Hugo, Tolstoi, Eminesku, Petëf etj. Busti i rilindësit shqiptar është zbuluar nga ish-ministri i Jashtëm Besnik Mustafaj, i cili shoqërohej nga anëtarët e tjerë të delegacionit që e shoqëruan për të marrë pjesë në Samitin e XI të Frankofonisë. Mes të tjerash, Besnik Mustafaj në fjalën e tij, u shpreh se, “Kultura ka qenë gjatë gjithë historisë së të dy popujve tanë, ajo që ka funksionuar më mirë në marrëdhëniet midis tyre. Naim Frashëri, ndonëse nuk shkeli fizikisht në Rumani, e botoi veprën e tij në këtë vend, ku kryen veprimtarinë e tyre patriotike shoqatat kulturore shqiptare në fund të shekullit XIX, ku përgatitej Rilindja Kombëtare Shqiptare dhe Pavarësia e Shqipërisë. Naim Frashëri ishte poeti që i këndoi dashurisë për njeriun dhe njerëzimin, ndaj atdheu i tij mund të jetë kudo. Prania e poetit të dashurisë për njeriun e shndërron atë në mesazherin e paqes, të mirëkuptimit dhe të harmonisë midis popujve”, është shprehur ai gjatë ceremonisë së përurimit.