Nën masat të rrepta sigurie, Flaka Olimpike mbërriti në kryeqytetin e Argjentinës, Buenos Aires, i cili shënon stacionin e shtatë të turneut botëror të pishtarit.

Autoritetet argjentinase ishin përgatitur për demonstrata të mundshme të aktivistëve pro-tibetian. Mijëra policë u vendosën në gatishmëri për të frenuar incidente të mundshme. Ndërkaq, Kongresi amerikan miratoi një rezolutë ku kritikon mënyrën me të cilën Pekini përballet me demonstruesit tibetian. Kongresmenët amerikanë kërkojnë dialog të hapur me liderin shpirtëror tibetian, Dalai Lama. Por autoritetet kineze e hodhën poshtë rezolutën si dashakeqëse.