Nė Suedi edhe sivjet do tė organizohet Festivali i Poezisė dhe i Muzikės krijuese Shqiptare. Deri mė tash ky festival kishte karakter skandinav ndėrsa qė nga sivjet do tė pėrfshi krijuesit nga mbarė diaspora shqiptare.
Pas dy vite pauze, në nëntorin e sivjem, sërish do të mbahet Festivali i Poezisë dhe i Muzikës së Krijuesve Shqiptarë. Ky festival që lindi dhe u organizua nga rrethi i shoqatave shqiptare për regjionin e Skones, për pesë vite me radhë, tuboi rreth vetës krijuesit letrarë dhe ata muzikorë nga radhët e shqiptarëve mërgimtarë.
Në dy vitet e para në të morën pjesë vetëm krijuesit nga Suedia, kurse më vonë festivali mori karakter skandinav, përkatësisht u pasurua edhe me pjesëmarrjen e krijuesve nga Finlanda, Norvegjia e Danimarka. Në festivalin e fundit, të pestin me radhë, që në një farë forme ishte edhe jubilar, në kuadër të këtij festivali u botua edhe një libër i posaçëm, në të cilit u prezantuan të gjithë krijuesit - pjesëmarrës në festivalet e më parshme dhe punimet e tyre.
Riorganizimet që u bënë në Unionin e shoqatave shqiptare në Suedi, pranimi i tij nga ana e organeve suedeze si asociacion i organizuar në nivel vendi dhe ndihmat materiale që iu ndan këtij unioni për veprimtari të rregullt, nxitën Kryesinë e tij që në kuadër të veprimtarive të rregullta, Unioni të merr përsipër edhe organizimin e Festivalit të Poezisë dhe të Muzikës shqiptare. Ahmet Bella, sekretar organizativ i këtij Unioni, i deklaroi bashkëpunëtorit tonë, Ramadan Reshitaj se në Festivalin e sivjem do të prezantohen krijuesit letrarë dhe ata muzikor nga tërë diaspora shqiptare.
Përgatitjet për këtë manifestim, kanë filluar qysh tash. Organizatorët, pos tjerash kanë kontaktuar edhe me Këshillin për çështje jorezitente që funksionon në kuadër të Zyrës së Kryeministrisë së Republikës së Kosovës dhe kanë kërkuar që ky manifestim të hy në Programin vjetor të këtij këshilli dhe ai të bëhet tradicional.
