Babai i Angelina Joliet, Jon Voight, ka shprehur dëshirën e madhe për t’u afruar përsëri me vajzën e tij, duke thënë fjalë të shumta lëvduese për aktoren.Jolie qe më shumë se një dekadë e ka larguar nga jeta e saj babanë 69-vjeçar, megjithatë Voight ka thënë vetëm fjalë miradije për vajzën gjatë premierës së filmit më të ri të tij, “Forgetting Sarah Marshall”.

“Jam shumë i emocionuar për shtatzëninë dhe ia dërgoj dashurinë time familjes së saj. Ata po bëhen një familje e madhe dhe kjo është diçka shumë e mirë. Është këndshëm kur e sheh dikë duke krijuar familje dhe duke iu përkushtuar asaj. Njerëzit të cilët rritin fëmijë janë heronj për mua, sepse duhet shumë përkushtim për ta bërë një gjë të tillë. Ndërsa kur këtë e bëjnë me qejf dhe dashuri, atëherë s’ka asgjë më të bukur”, ka thënë aktori veteran.