Fshatrat Kondovë, Studeniçan, 8 orë mbetën pa energji elektrike si rezultat i nivelit të ulët të pagesës së faturave për energji elektrike.

Vazhdon aksioni i ndërprerjes së energjisë elektrike i kompanisë EEM-EVN-së. Në shënjestër të kompanisë austriake janë fshatrat te të cilat niveli i pagesës së energjisë është zero, ka vjedhje të larta, ndërsa ekipet e EEM-EVN-së nuk kanë qasje tek matësit elektrik.
Fshatrat Kondovë, Studeniçan, 8 orë mbetën pa energji elektrike si rezultat i nivelit të ulët të pagesës së faturave për energji elektrike, ndërsa nga dita e mërkurë 8 fshatrat të Tetovës dhe 3 fshatra të Gostivarit ende janë në terr total. Përveç fshatrave energjia elektrike u është ndërprerë edhe komunave të cilat nuk kanë paguar faturat për ndriçimin rrugor. Komunat Likovë, Vrapçishtë, Bogovinë, Jegunoc, Saraj, Shuto Orizare, Pllasnicë, Resnjë dhe Kavadar do të mbeten në terr deri në pagesën e borxhit të përgjithshëm.
Zyrtarët e EEM-EVN-së publikisht nuk i komentojnë këto aksione me arsyetimin se të gjithë konsumatorët duhet t'i paguajnë borxhet e mbetura ashtu si kompania e paguan energjinë ndaj kompanisë shtetërore MEPSO.