Nė takim me kreun e shtetit shqiptar ėshtė vendosur firmosja e statutit tė FSHF-sė, ndėrsa do tė mbetet i ngrirė neni 53 qė flet pėr tė drejtat e FSHF-sė.
Me ndërmjetësimin e presidentit të Shqipërisë, Bamir Topi më në fund është arritur marrëveshja mes drejtuesve të Ministrisë së Kulturës dhe Sporteve dhe Federatës Shqiptare të Futbollit, duke i dhënë fund konfliktit mes tyre.
Gjatë takimit institucional, të iniciuar nga kreu i shtetit, u diskutua rreth pezullimit të ekipeve kombëtare shqiptare të futbollit nga veprimtaritë ndërkombëtare sportive dhe gjetjes së një zgjidhjeje përfundimtare të kësaj çështjeje tepër shqetësuese dhe me një ndjeshmëri të jashtëzakonshme kombëtare.
Në takim me kreun e shtetit shqiptar është vendosur firmosja e statutit të FSHF-së, ndërsa do të mbetet i ngrirë neni 53 që flet për të drejtat e FSHF-së. Pritet që në ditët që vijnë një grup ekspertësh të ministrisë të kenë një takim me përfaqësuesit e FIFA-s dhe UEFA-së për të biseduar për këtë nen. Firmosja e statusit ka qenë kushti themelor që FIFA të zhbllokojë vendimin për Shqipërinë. FIFA ka dënuar ekipin kombëtar të futbollit të mos marrë pjesë në asnjë nga aktivitetet ndërkombëtare të këtij sporti. Shkak për këtë u bënë ndërhyrjet e shtetit në FSHF.
