Manifestimi organizohet në bashkëpunim me Drejtorinë Komunale të Kulturës dhe do të mbahet në Pallatin e Kulturës ,,Asim Vokshi” , duke filluar në orën 12:00.

Në fillim do t’i dhurohet një numër modest librash Shkollës Fillore ”Zekirja Rexha” e pastaj do të bëhet përurimi i librit të Mr. Kadrush Radogoshit, ”Semantika e bregut tjetër”. Për këtë libër kritik-estetik do të referojnë: Abdullah Konushevci, Prend Buzhala e Hazyr Dërvishi.

Pos shumë dashamirëve të librit pritet të marrin pjesë edhe anëtarë të familjeve të figurave historike të trajtuara në këtë libër: Familja e Ahmet Koronicës heroit të Lidhjes së Prizrenit, Familja Dervishdana e martirizuar në tre breza, Familja e poeteshës së martirizuar Yllka Domi. Gjithashtu pritet të marrin pjesë edhe një pjesë e autorëve, veprat e të cilëve janë trajtuar në këtë libër.