Kėnga "Nė emėr tė dashurisė" e cila pėrfaqėson Maqedoninė nė gjysmėfinalen e parė tė Eurovizionit 2008 nė Beograd, Adrian, Tamara dhe Vėrēak do ta kėndojnė nė gjuhėn angleze.
Ata do të kenë një koreografi të viteve tridhjeta që e kanë përgatitur së bashku me koreografin e njohur gjerman Klod de Suzi, emër i njohur që ka bashkëpunuar me këngëtare siç janë Tina Tarner dhe Sara Konor.
"Pamja skenike do të duket sikur jemi në vitin 1930, ashtu do të vishemi në atë stil, alkapone stil dhe më së miri do të jetë nëse e shikoni në skenë atje, aty është efekti", tha Adrian Gaxha.
Dejan Miliçeviq e bëri regjinë e videoklipit që këngëtarët e kanë xhiruar në Universitetin privat FON në Shkup. Kënga përveç në maqedonisht është kënduar edhe në anglisht, turqisht, serbisht, shqip dhe rusisht. Ndërkaq në muzikën e këngës janë përdorur instrumentet frymore të cilët i ka përpunuar kompozitori Kire Kostov.
"Ekipi vendosi që kënga në Beograd të këndohet në gjuhën angleze dhe mendojmë se kjo është zgjedhja më e mirë. Besoni se videoklipin e kemi xhiruar 48 orë dhe nuk kemi fjetur dy ditë e dy net", deklaroi Tamara.
Përfaqësuesit e Maqedonisë deri tani e promovuan këngën në Serbi dhe Bosnjë e Hercegovinë, ndërkaq planifikojnë edhe një turne të vogël në Shqipëri dhe Kroaci. Sipas tyre më e rëndësishme është të përgatiten për performancën e tyre se sa të shpenzojnë kohën në udhetime promovuese. Këtë vit për herë të parë në Eurovizion marrin pjesë 43 këngë. Prej tyre vetëm Serbia, Anglia, Gjermania, Franca dhe Spanja kanë pozicione të garantuara në finalen e madhe.
