Miqtë e ekranit dhe jetës së përditshme, Brad Pitt dhe George Clooney, do ta bëjnë hapjen e edicionit të sivjetmë të Festivalit të Filmit të Venecias, me filmin e tyre të ri, nën regji të vëllezërve Coen.

Yjet e filmit "Ocean’s Eleven", janë bashkuar për të xhiruar komedinë spiunuese "Burn After Reading", dhe tash filmi është zgjedhur të nisë ngjarjen filmike evropiane, në gusht.

Filmi, në të cili po ashtu aktrojnë John Malkovich, Frances McDormand dhe Tilda Swinton, do ta ketë premierën botërore më 27 gusht në këtë festival.