Kapiteni i Liverpoolit, Steven Gerrard, ka paralajmëruar ekipin kundërshtar të Chelseat se ekipi i tij është i gatshëm të shfrytëzojë të metat e bluve në ndeshjen e kthimit gjysmëfinale të Ligës së Kampionëve, që luhet sonte në Stamford Bridge.

“I dimë dobësitë e tyre. E dimë se si duhet t’i mposhtim. Do të na duhen paraqitje të shkëlqyeshme nga lojtarët tanë të shkëlqyeshëm për ta bërë këtë, por më e rëndësishmja është se si do t’i tregojmë ato paraqitje”, ka thënë Gerrard.

Chelsea ka një avantazh para ndeshjes së sotme, pasi që në ndeshjen e parë në Anfield, barazoi 1-1. Liverpooli duhet të shënojë për të pasur shpresa të sigurojë finalen.

“Kam mësuar nga Benitez se është e kotë të nxitohesh për gjërat të cilat nuk mund t’i kontrollosh. Golin të cilin e pranoni, nuk mund ta ndryshoni. Kur isha më i ri u harxhohesha me gjëra të tilla, por tash kam një vizion të qartë se çfarë është e rëndësishme dhe kjo është si ta mposhtim Chelsean”, ka shtuar kapiteni i të kuqve.