Fabio Liverani ka kërkuar falje për humbjen e penalltisë e cila i kushtoi skuadrës së tij me mospjesëmarrje në finalen e kupës UEFA.

“Kjo ndeshje ishte pa fat për neve. Vërtet mendoja se do të shënojmë gol më parë, mirëpo ne nuk mundëm dhe është dashur të vendosin penalltitë”.

“Më vjen shumë keq që nuk shënova dhe jam shumë i nervozuar me veten. Dua t’i falënderoj tifozët të cilët kanë qenë të shkëlqyer dhe na kanë mbështetur gjithmonë”, ka thënë Liverani për faqen zyrtare të Fiorentinës.

Viola ishte skuadër shumë më e mirë në fushë, mirëpo mund ta konsiderojnë thjeshtë një natë pa fat për ta, megjithatë ende kanë mundësinë ta përfundojnë sezonin në pozitën e katërt në Serie A dhe të kualifikohen për në Ligën e Kampionëve për sezonin e ardhshëm.