Pop-diva australiane, Kylie Minogue, do të nderohet me njërin nga çmimet më të larta të kulturës, të cilat i jep shteti i Francës, "për kontributin e saj në pasurimin e kulturës franceze".

Ylli i këngës, "Spinning Around", do ta merr çmimin "Chevalier dans L'ordre des Arts et Lettres" nga Qeveria franceze në një ceremoni në Paris me 5 maj, një ditë para se të fillojë turneu i saj botëror "KYLIEX2008", i cili fillon pikërisht në kryeqytetin francez.

"Jam shumë e nderuar për këtë respekt. Kultura franceze më ka inspiruar shumë dhe unë kam pasur gjithmonë respekt të madh për artin dhe për francezët", ka thënë Kylie.

Çmimi "Chevalier dans L'ordre des Arts et Lettres" më parë i është dhuruar edhe Ella Fitzgerald, Bob Dylan, Meryl Streep dhe Robert Redford.

Minogue pritet të merr edhe një çmim tjetër prestigjioz kah fundi i këtij viti, "Order of The British Empire" të cilin do t’i a dorëzojë Mbretëresha e Britanisë, Elizabeta e Dytë.