Mbrojtësi i Interit, Marco Materazzi, duke folur para ndeshjes derbi të së dielës, përballë Milanit, i ka bërë thirrje mikut të tij Gennaro Gattuzo, t’i bashkohet atij tek kampioni italian.

“Do të jetë derbi më i rëndësishëm në histori. Djali im David me sa duket është ende adhurues i Milanit. Ai dëshiron të vijë në këtë derbi me fanellën e Milanit, por ia kam hequr këtë ide, pasi që është e pamundur”, ka thënë Materazzi.

“Milan ka pasur një vit të vështirë, ku shumë njerëz janë zhgënjyer. Inzaghi nuk ka qenë i gatshëm për pjesën më të madhe të vitit ndërsa Gilardino ka kaluar ca vështirësi”, ka shtuar ai.

Kur i është kërkuar të zgjedhë një lojtar të cilin do ta kishte sjellë nga Milani në Inter, mbrojtësi italian ka thënë: “Vetëm një? Do të ishte shumë e lehtë të thosha Kaka, por them Gattuson”.