Rokeri i grupit "Fall Out Boy", Pete Wentz, e ka të vështirë të pushojë gjatë vikendeve, pasi që nuk mund të ndahet nga puna.Basisti vazhdimisht është i zënë për shkak të detyrimeve të punës së tij të lodhshme dhe shpesh kontakton me emaila me telefonin e tij edhe kur rrezitet në plazh.

"Nëse nuk kam emaila të shkruaj ose telefonata, kjo nuk më shqetëson. Por, e kam të vështirë që gjatë pushimit në plazh, ta lëshoj telefonin tim. Më duhet që dikush fizikisht të ma marrë nga dora. Edhe nëse ndodh kjo, mendja ime do të jetë duke menduar rreth atyre gjërave", ka thënë rokeri, i cili është i fejuar me të famshmen, Ashley Simpson.