Këngëtarja Madonna do të fitojë një shumë të mirë parash, pasi që shtëpinë e blerë për 18 milionë dollarësh në vitin 2001, e ka nxjerrë për shitje për 24 milionë.

49-vjeçarja ka vendosur ta shesë shtëpinë e saj në Wiltshire (Angli), pasi që ajo dhe burri i saj nuk kalojnë mjaft kohë atje.

"Ajo ka bërë turne dhe ka qenë në promovime për disa muaj dhe nuk e ka vizituar shtëpinë. Ajo ende pëlqen të shkojë atje, por për shkak të angazhimeve kjo nuk ndodh së fundi", ka thënë një i afërm.

Madonna, e cila do të festojë ditëlindjen e 50-të gjatë këtij viti, planifikon t’i kalojë ditët e lira të saj në shtëpitë në Londër, ku mendohet se ka pesë prona.