Mesfushori i Chelseat, Joe Cole, është i vendosur ta mbajë deri në fund shpresën për titull, dhe mendon se do të ndodhë ashtu nëse sot Blutë shënojnë fitore ndaj Newcastle United.

“Këtë vit do ta çojmë deri në ditën e fundit. Nëse fitojmë sot dhe atëherë do ta mbajmë shpresën deri javën e ardhshme. Kohët e fundit nuk kam qenë në formën time më të mirë dhe dëshiroj të rikthehem pikërisht në këtë ndeshje në të cilën pres të shënojmë fitore”, ka thënë 26-vjeçari.

“Përballë tifozëve të tyre Newcastle do të luajë shumë mirë, ndërsa në skuadër ka disa ish-lojtarë Man United të cilët do të dëshirojnë t’u bëjnë nder shokëve të tyre, mirëpo ne jemi të vendosur të fitojmë dhe do ta bëjmë këtë”, ka përfunduar mesfushori anglez.