Kapiteni dhe ikona e Romës, Francesco Totti, pranon se skudetoja tashmë është humbur dhe Inter do ta fitojë ligën, dhe beson se edhe ai është pjesë e personave që duhet fajësuar për këtë.

“Inter sigurisht do ta fitojë skudeton. Më vjen keq për shumë gjëra gjatë këtij sezoni, pasi që kam munguar për shumë ndeshje, por i tillë është futbolli. Sa i takon lëndimeve, kam filluar të shërohem dhe do të filloj të luaj ca tenis. Shpresoj të rikthehem për sezonin e ri”, ka thënë Totti.

Roma ende ka gjasa të vogla të kapë kreun, por duhet t’i fitojë të dyja ndeshjet dhe të sigurohet që Inter të humbë së paku njërën prej dy ndeshjeve të mbetura deri në fund.