Agjenit i Sergio Ramos është takuar këtë javë në Madrid me Roman Abramovich për të diskutuar ofertën e Chelseat, e cila i ka ofruar mbrojtësit të Realit një pagë të majme nëse ai i bashkohet skuadrës nga Londra këtë verë.

Pronari i Bluve ka biseduar me agjentin e Ramos, vëllain e tij, Rene Ramos, gjatë finales së Ligës evropiane të basketbollit, Euroleague, e cila është mbajtur në kryeqytetin spanjoll.

Sipas “El Mundo Deportivo”, Të Kaltrit i kanë ofruar spanjollit një pagë prej 7 milionë eurosh në sezon, derisa paga të cilën e merr ai në Madrid është tre milionë për sezon.

Chelsea është po ashtu e gatshme t’ia paguajë edhe dëmshpërblimin Realit për transferimin e Ramosit në Stamford Bridge, ndërsa Ramon Calderon është i interesuar për këtë shitje me qëllim që t’i rrit fondet e Los Merengues.