Koncepti atraktiv i Seatit - Bocanegra, i cili i është shfaqur publikut në panairin e automjeteve të Gjenevës, është dashur të shërbejë vetëm si uverturë në paraqitjen e Ibizas së re. Tani marrim vesh se Seat, për gëzimin e adhuruesve të prodhuesit spanjoll, megjithatë do ta vendosë atë në prodhim serik.

Disenjatori kryesor në Seat dhe krijuesi i Bocanegras, Luc Donckerwolke, ka deklaruar për portalin AutoExpress: “Kur ia kemi treguar konceptin drejtorit tonë ekzekutiv Eric Schmitt, ai ka thënë: 'E dua një!'. Pas reagimit pozitiv të publikut në Gjenevë, thjesht nuk kemi mundur të ndalojmë prodhimin serik të Bocanegras”.



Kompaktin e Seatit do të duhej ta fut në lëvizje motori 1.4 litërsh TSI me 180 KF i pajisur me marshin automatik DSG prej shtatë shpejtësish. Edhe pse Seat ende nuk e ka konfirmuar, ky automjet në gamën e tyre do të duhej të kategorizohej si seria më prestigjioze e Ibizas.

Ne vetëm shpresojmë që prodhimi serik do të mbajë së paku një pjesë të dizajnit të shkëlqyeshëm i cili e ka bërë njërin nga automjetet më atraktiv në Gjenevë.