Trajneri i Wiganit, Steve Bruce, ka hedhur poshtë fjalët se Wigani mund të mos mundohet gjatë ndeshjes së të dielës në Premierligë, kundër ish-ekipit të tij Manchester United.

“Çdokush që më njeh, më njeh mirë. Çfarë mund t’i them ekipit? Vetëm qarkulloni dhe lejoni Manchesterin të fitojë? Kjo nuk do të ndodhë. Nuk do të bëjmë gabime, dhe do të japim maksimumin nga ne”, ka thënë Bruce.

Wigani pati një seri prej 20 humbjesh të njëpasnjëshme nga katër ekipet kryesuese të Premierligës, Manchesteri, Chelsea, Arsenali dhe Liverpooli, që nga viti 2005.

Sidoqoftë, nën urdhërat e Bruce, Wigan ka barazuar me Liverpoolin në Anfield, në shtëpi me topçinjtë, si dhe ndaj Chelseat, duke nxjerrë barazim 1-1 në Stamford Bridge në muajin prill.

Nëse ekipi i tij nxjerr barazim përballë United, titullin do ta sigurojë Chelsea, nëse ky i fundit mposht Boltonin në shtëpi.

Bruce ka fituar tre herë trofeun e ligës me United, por në nëntë tentime si trajner i Birminghamit, ai kurrë nuk e ka mposhtur ekipin e tij të vjetër.