Pėrforcimi i ri i Chelseat, Jose Bosingwa, ka deklaruar pas arritjes sė marrėveshjes me klubin nga Londra se, synim i tij ėshtė tė fitojė tituj me ekipin anglez.
Chelsea arriti të mposhtë Manchester Unitedin për të nënshkruar me Jose Bosingwan për 20 milionë euro, dhe një pagë po thuajse dyfish më të lartë se sa pati ofruar kampioni aktual i Premierligës.
Mbrojtësi i djathtë portugez, do ta kompletojë sot kalimin nga Porto dhe do të nënshkruajë kontratë katërvjeçare me blutë, me pagë 100 mijë euro në javë, derisa United, që e shihte atë si pasues të Gary Neville, ofroi pagë 63 mijë euro në javë.
Kam miq të cilët janë në Chelsea dhe është një klub ku mendoj se mund të ngrihem dhe zhvillohem si lojtar, ka thënë mbrojtësi portugez.
Gjithmonë kam ëndërruar të luaj në Angli dhe tash jam këtu dhe do jap më të mirën nga vetja. Kam luajtur për një ekip të madh, Porton, dhe tash do të luaj për një edhe më të madh, Chelsean. Synim i imi është të fitoj tituj, ka thënë Bosingwa.
