Ylli i pop muzikës, Madonna pritet të paraqitet në një seancë gjyqësore në Malawi, gjatë kësaj jave, lidhur me vendimin e saj kontrovers për të adaptuar një djalosh trevjeçar nga ky vend i Afrikës, me ç’gjë është pajtuar edhe gjykata e këtij vendi.

Më shumë se 18 muaj pasi këngëtarja amerikane dhe burri i saj britanik, regjisori Guy Ritchie, filluan procedurat për ta bërë anëtar të familjes të riun, David Banda, Gjykata e Lart në Lilongwe pritet që t’ia jep përkujdesjen asaj, gjatë një seance dëgjimore të enjten, pavarësisht mungesës së ligjit për adoptim ndërkombëtar.

Sipas një dokumenti të përgatitur nga një punëtor social që do të prezantohet në gjykatë, nga Ministria për Gratë dhe Zhvillimin e Fëmijëve, rekomandohet që Madonna të merr në përkujdesje të përhershme fëmijën.