Se si do të duken celularët në të ardhmen e largët, askush nuk mund ta dijë, mirëpo ajo çfarë mund të bëjmë është të përcjellim punën e dizajnerëve industrialë në mbarë botën, dhe të tentojmë të parashikojmë se cilat nga zgjidhjet në dispozicion duket se prodhuesit do të përzgjedhin për prodhim të gjerë të pajisjeve të tyre.

I fundit në vargun e koncepteve të celularëve është vizioni i dizajnuesit Emir Rifat. Ai të ardhmen e celularëve e sheh si pajisje të cilat palosen shumëfish, të cilat mu për këtë fakt do të duhej të ishin më praktike dhe kompakte, pa humbur asgjë në funksionalitetin e vet dhe mundësitë e avancuara.

Kur të jetë palosur, pajisja e emërtuar Packet ka dimensione vetëm prej 5 x 5 centimetra, mirëpo i shpalosur mbulon pesë pjesë të dimensioneve të sapopërmendura, nga të cilat secila sipërfaqe e ndjeshme në prekje do të përmbajnë funksionalitet të caktuar.

Për t’iu përshtatur normave çdo ditë e më të rrepta ekologjike, Emir Rifat e ka punuar Packet-in në tërësi nga materialet ekologjike, e për punën e tij ky dizajner e ka merituar shpërblimin e Javës së Dizajnit në Stamboll.