Mesfushori shqiptar dhe kapiteni i Olimpique Marseillet, Lorik Cana, ka falënderuar tifozët, pasi që ekipi i tij arriti të shënojë fitore prej 4-3 gjatë vikendit ndaj Stasbourg dhe të sigurojë vendin e tretë që dërgon në kualifikimet e Ligës së Kampionëve.

“Dëshiroj t’iu falënderoj ju tifozëve. Kemi kaluar momente të vështira gjatë këtij viti, por kurrë nuk na braktisët. Tani do ta kërkojmë këtë vend në Ligën e Kampioneve të gjithë së bashku. Të gjithë kemi dhënë maksimumin. Jemi krenar dhe do ta provojmë të shkojmë shumë larg”, ka thënë Cana.

Shqiptari thuhet të jetë nën vështrim të shumë klubeve të mëdha evropiane, në mes të të cilave edhe Real Madridit.