Personat e moshuar të cilët kanë në gjakun e tyre sasi më të madhe të acideve omega-3-yndyrore, kanë simptoma më të vogla të depresionit, kanë treguar rezultatet e një grupi hulumtues të instituti francez të shëndetit dhe hulumtimeve mjekësore (Inserm).

Sipas artikullit të botuar në revistën amerikane, American Journal of Clinical Nutrition, shkencëtarët francez kanë fituar këto rezultate duke anketuar 1.390 persona me moshë mesatare prej 75 vjetësh. Qëllimi ishte të gjendej lidhja eventuale ndërmjet sasisë së acideve yndyrore në gjakun e tyre dhe simptomave të depresionit, të cilat janë zakonisht të pranishme te pleqtë.

Në këtë mënyrë shkencëtarët kanë konstatuar se personat me depresion më të madh kishin sasi më të vogël të acideve yndyrore në plazmën e tyre. Përkundër kësaj, sasia e acideve omega-3-yndyrore ishte më madhe te personat e moshuar të cilët nuk kishin simptoma të depresionit.

Sipas hulumtuesve nga Inserma, acidet yndyrore e ndihmojnë organizmit të realizojë funksione të shumta, siç është formimi i membranave qelizore, metabolizmin e kolesterolit dhe në shërimin e plagëve.

Acidet omega-3-yndyrore, të cilat organizmi nuk i sintetizon, gjenden në vajrat bimore (të sojës, arrës dhe kolzës), peshqit me yndyrë (losos, tuna, sardele, skumbri) dhe në farat e lirit.