Los Angeles Lakers ka bėrė njė rikthim dramatik nė pjesėn e dytė, pėr tė shėnuar fitore prei 89-85 ndaj San Antonio Spuyrs, nė ndeshjen e parė finale tė play-offit tė Konferencės Perėndimore.
Duke qenë hiç më pak se 20 pikë disavantazh, Lakers shfrytëzoi duart e nxehta të dyshes Kobe Bryant dhe Pau Gasol, për të ruajtur të paprekur rekordin e tyre të fitoreve të play-offit në shtëpi.
Bryant, MVP i NBA-së, shënoi vetëm dy pikë në pjesën e parë të ndeshjes, para se të rikthehet në pjesën e dytë, për të përfunduar me 27 pikë dhe nëntë asistime. Gasol shënoi 19 pikë dhe shtatë kërcime.
Kjo është shumë për ekipin tonë, të rikthehemi nga disavantazhi prej 20 pikë ndaj kampionit aktual. Edhe kur e zvogëluam këtë në 10, ende kishim energji të kërkojmë avantazhin, ka thënë Bryant pas ndeshjes.
Kampioni në fuqi i NBA-së, San Antonio, i cili arriti të plasohet në finale pas shtatë ndeshjeve kundër New Orleans Hornets, shpërdoroi rastin më të mirë për të siguruar një fitore në udhëtim. Tim Duncan kryesoi tek Spurs me 30 pikë dhe 18 kërcime.
Ndeshja e radhës luhet të premten në Los Angeles, ndërsa sonte në radhë është ndeshja e dytë mes dy finalistëve të Konferencës Lindore, Boston Celtics dhe Detroit Pistons, që do të zhvillohet në Boston.
