Organizata joqeveritare OLPC (One laptop per child), e cila qëndron prapa projektit të ashtuquajtur “laptop për 100 dollarë', pas paralajmërimit të variantit të laptopit të pajisur me versionin e zvogëluar të Windows XP, ka bërë të njohura edhe planet për paraqitjen e gjeneratës së dytë të laptopit.

Fotografitë e versionit të ri të kompjuterit XO i ka publikuar njeriu i parë i organizatës OLPC, Nicholas Negroponte, në konferencën Global Country Workshop e cila po mbahet në Cambridge. Versioni i ri i këtij laptopi i cili ka për qëllim të vetëdijesojë miliona fëmijë në shtetet në zhvillim është emëruar XO-2 apo XOXO.

Negroponte nuk ka shfaqur detajet e plota teknike, derisa duke gjykuar sipas fotografive të publikuara, pajisja do të jetë dukshëm më e vogël se paraardhësja e saj, do të përmbajë dy ekrane të ndjeshme në prekje të cilët do të duhej të ishin të dukshëm në mënyrë të përsosur edhe në kushtet e ndriçimit të drejtpërdrejtë të diellit, për punën e tij do të duhej të shpenzojë rreth një vat rrymë, gjersa me formën e saj do deri diku do të duket si një libër i hapur.



Sipas paralajmërimeve, XOXO apo XO-2 në treg do të duhej të paraqitej në vitin 2010, me çmim prej 75 dollarësh. Këtë të dhënë do ta marrim me rezervë, duke marrë parasysh se edhe versioni i fundit i laptopit XO është dashur të kushtojë 100 dollarë, mirëpo çmimi i tij në të vërtetë është 200 dollarë.