Personat të cilët e thithin hormonin e dashurisë, oksitocinë, kanë besim më të madh te njerëzit tjerë. Në këtë mënyrë jo vetëm që mund të ruhet shoqëria dhe lidhja, por mund t’u ndihmohet edhe njerëzve të cilët vuajnë nga llojet e ndryshme të fobive sociale.

Oksitocina, i njohur si hormoni i afërsisë, prodhohet nga organizmi dhe nxit ndjenjat romantike. Deri më tani është treguar se luan një rol të rëndësishëm në raportet ndërmjet njerëzve dhe në krijimin e lidhjes ndërmjet nënës dhe fëmijës.

Po ashtu nxit shoqërimin më aktiv, por siç duket edhe orgazmat janë më të shpeshta nën ndikimin e këtij hormoni.

Në bazë të një studimi të cilin e kanë realizuar shkencëtarët nga Universiteti i Cyrihut, është treguar se pjesëmarrësit në studim të cilët kishin thithur oksitocinën, kishin mbetur më besnikë.