Duke prezantuar strategjinė investuese tė kompanisė Alpe Hypo Adria pėrfaqėsuesit e saj theksuan se vetėm pėr njė vit nė Maqedoni kanė investuar mbi 30 milion euro.
Kjo kompani planifikon edhe një investim prej 17 milion euro në sektorin e ndërtimtarisë. Anëtari i këshillit drejtues në Alpe Hypo Adria, Gjorgje Vojnoviq tha se me hyrjen e kompanisë austriake në Maqedoni tregu i lizingut në Maqedoni është rritur për 68 %. Ndërsa Oliver Cintël deklaroi se kompania posedon 46 % të tregut në vend.
"Hypo Alpe Adria vetëm për 1 vit ka marrë lidershipin në sektorin e lizingut me pjesëmarrje prej 46 %, tha Vojnoviq.
"Vetëm për 1 vit e gjysmë prezencë në tregun e Maqedonisë vërtetuan se jemi lider në këtë treg, sepse ne jemi partner serioz i cili gjithnjë ofron shërbime të reja dhe cilësore në treg", shtoi Cintël.
Alpe Hypo Adria paralajmëroi edhe dhënien me lizing të makinave dhe motoçikletave me pjesëmarrje prej 0 %.
"Ne jemi kompania e parë e cila si prodhim lizing fillon me pjesëmarrje prej 0 %", nënvizoi përfaqësuesi i Alpe Hypo Adria, Milivoj Smilevski.
Interesant është fakti se kjo kompani është e para në Maqedoni që jep lizing për blerjen e anijeve luksoze, duke paralajmëruar se shumë shpejtë do të hyjnë edhe në sektorin bankar. Drejtuesit e kompanisë thonë se pas hapjes së filialit në Tetovë është vërejtur interes shumë i lartë nga qytetarët.
