TIRANE-Sipas Ministrisë së Financave, 50 përqind e të ardhurave nga shitja e kësaj kompanie do të përdoren për uljen e deficitit buxhetore, ndërsa gjysma tjetër do të shkojnë për investime në rrugë.

Qeveria shqiptare planifikon që një pjesë të të ardhurave nga privatizimi i kompanisë shtetërore të naftës ARMO të përdoret për rrugën Durrës-Kukës. Zv.ministri i Fincancave Sherefedin Shehu bën të ditur se paratë e këtij privatizimi do të përfshihen në buxhetin suplemetar që do t’i paraqitet për miratim Kuvendit në fund të muajit qershor. Buxheti shtesë parashikohet të ketë një vlerë prej 25 miliardë lekësh, nga të cilat 15 miliardë do të jenë nga tejkalimi i të ardhurave taimore dhe doganore, ndërsa pjesa tjetër nga privatizimi i ARMO-s. Sipas Ministrisë së Financave, 50 përqind e të ardhurave nga shitja e kësaj kompanie do të përdoren për uljen e deficitit buxhetore, ndërsa gjysma tjetër do të shkojnë për investime në rrugë. Prioritet me gati 90 përqind të shumës që do të destinohet për investime, do të ketë rruga Durrës-Kukës. Misioni i FMN-së, i cili ndodhej në Shqipëri pak ditë më parë, theksoi se qeveria shqiptare duhet të tregojë kujdes për mostejkalimin e kostove të kësaj rruge, pasi në të kundërt, pasojat do të ndiheshin në ekonomi.