Ish-lojtari i Chelseat, Didier Deschamps, ka deklaruar se edhe ai ėshtė pjesė e listės pėr tė pasuar trajnerin e larguar, Avram Grant, nė stolin e ekipit blu.
Në mesin e shumë emrave të përmendur për stolin e trajnerit të Chelseat gjenden edhe Frank Rijkaard, Guus Hiddink, Roberto Mancini dhe Sven Goran Eriksson.
Do të jetë vështirë të refuzohet Chelsea, përveç nëse ndaloj të punoj si trajner. Kam pasur nevojë të pushoj pasi që nuk kam bërë pushim në mes të karrierës time si lojtar dhe si trajner. Ndjehem i aftë për të realizuar punë të mira, ka thënë Deschamps.
Transferimi i trajnerëve është po aq i komplikuar sa edhe i lojtarëve. Chelsea është një klub i veçantë dhe jam i nderuar që jam në planet e këtij klubi të madh. Do të shohim se çfarë do të ndodhë në ditët në vazhdim. Në listë janë tri ose katër menaxherë dhe unë jam në atë mes, ka pranuar ish-trajneri i Monacos dhe Juventusit.
