Sipas agjentit të sulmuesit brazilian, Adriano mund të jetë pjesë e cilësdo skuadër në botë pas përfundimit të periudhës huazuese te Sao Paolo.

“Duhet t’i vendosim gjërat së bashku me skuadrën dhe të shikojmë se çka është më e mira për Adrianon, dhe nëse do të jetë më së miri të qëndrojë tek Inter apo të shikojmë ndonjë skuadër tjetër”.

“Adrit vërtet i pëlqen Interi, mirëpo ne duhet ta bëjmë zgjedhjen së bashku. Adri i është shumë falënderues Sao Paolos për krejt çka ka bërë për të. Mirëpo tani ai është rikthyer në formën më të mirë dhe mund të luajë për cilëndo skuadër në botë”.

“Do të aranzhojmë një takim me të gjitha palët dhe do të vendosim për kohën e largimit të tij”, ka përfunduar përfaqësuesi i Adrianos.