Trajneri i Italisë, Roberto Donadoni, e ka përfunduar listën e 23 lojtarëve të cilët do të jenë pjesë e kombëtares së Italisë në Kampionatin Evropian të Futbollit, Euro 2008, ndërsa lojtari i pafat është Riccardo Montolivo, i cili është përjashtuar nga lista finale e trajnerit.

Javën e kaluar Donadoni kishte emëruar listën paraprake prej 24 lojtarëve të cilat do ta përfaqësonin Italinë në Austri dhe Zvicër, me ç’rast atij i mbetej ta largonte vetëm një lojtar, para se të bënte publik emrat e lojtarëve të cilët do të ishin pjese e skuadrës kombëtare.

Edhe pse mesfushori i Fiorentinës, Montolivo, ishte i favorizuar për të qenë pjesë e skuadrës, mirëpo rikuperimi i dyshes romake Alberto Aquilani dhe Simone Perrotta, si edhe të sulmuesve Fabio Quagliarella dhe Marco Borriello, e ka lënë atë jashtë përfaqësues së Italisë.

Skuadra e Italisë për Euro 2008

Portierë: Gianluigi Buffon (Juventus), Marco Amelia (Livorno), Morgan De Sanctis (Sevilla)

Mbrojtës: Cristian Panucci (Roma), Fabio Cannavaro (Real Madrid), Andrea Barzagli (Palermo), Marco Materazzi (Inter), Fabio Grosso (Lyon), Gianluca Zambrotta (Barcelona), Giorgio Chiellini (Juventus)

Mesfushorë: Rino Gattuso, Andrea Pirlo, Massimo Ambrosini (Milan), Daniele De Rossi, Simone Perrotta, Alberto Aquilani (Roma), Mauro German Camoranesi (Juventus)

Sulmues: Luca Toni (Bayern Munich), Marco Borriello (Genoa), Antonio Di Natale, Fabio Quagliarella (Udinese), Alessandro Del Piero (Juventus), Antonio Cassano (Sampdoria)