Drejtuesit e dy skuadrave, asaj të Barcelonës dhe Interit, janë takuar për të diskutuar në lidhje me transferimin e Zlatan Ibrahimovicit në Camp Nou, në një mundësi këmbimi me Giovani Dos Santos.

Presidenti i Blaugranëve, Joan Laporta, ka darkuar me homologun e tij, Massimo Moratti, të martën, me të cilin ka diskutuar për mundësinë e transferimit të suedezit.

Derisa Interi po pret konfirmimin e Jose Mourinhos për trajner, në anën tjetër drejtuesit e klubit vazhdojnë t’i kryejnë në mënyrë të pavarur disa biznese. Nëse Mourinho vjen në Giuseppe Meazza, atëherë atij do t’i bashkëngjitet Didier Drogba, ndërsa e ardhmja e Ibrahimovicit bëhet e pasigurt.

Barca nuk ka bërë ofertë zyrtare për Ibrën, pasi që sekretari teknik, Txiki Begiristain, kishte pohuar se ish-sulmuesi i Juventusit nuk mund të blihet.

Transferimi i Samuel Eto'o te Milan ose Inter, i hap rrugët Ibrahimovicit për t’u bërë pjesë e sulmit të katalanasve, së bashku me transferët tjerë të mundshëm, Emmanuel Adebayor dhe Dimitar Berbatov.