Klubi i Premierligës, Tottenham, ka arritur marrëveshje të vlefshme 15 milionë dollarë me të riun e Barcelonës, Giovani dos Santos.

Sipas “The Sun”, Tottenhami ka arritur të mposhtë Chelsean, Manchester Cityn dhe Interin për anësorin meksikan. Giovani, 19-vjeçar, është bindur të kalojë në Premierligë pas takimit me drejtuesit e klubit anglez në Londër gjatë muajit janar.

Interi dhe Manchtester City, janë përpjekur së fundi të bindin agjentin e tij Pini Zahavi për t’ia ndryshuar mendjen lojtarit, por pa sukses.

Kalimi i meksikanit në Tottenham ka qenë një goditje e fortë për Chelsean, që ka bërë dy tentime të dështuara për Giovanin, pasi që kishte përcjellë zhvillimin e tij për katër vite.