Ish-mesfushori i Arsenalit, i cili tashmë ka nënshkruar me Milanin, Mathieu Flamini, është ftuar në ekipin kombëtar të Francës për kampionatin evropian Euro 2008, pas dyshimeve rreth formës së kapitenit Patrick Vieira.

“Flamini do të arrijë sot në Clairefontaine (kampin stërvitor të Francës), dhe do t’i shtohet ekipit prej 23 lojtarëve”, ka thënë zëdhënësi Yann Le Guillard.

Ai ka shtuar se asnjë lojtar nuk do të përjashtohet nga Franca deri më 8 qershor, një ditë para ndeshjes së parë të grupit C kundër Rumanisë.

Flamini pritet të marrë pozitën e Vieira, i cili nuk ka luajtur në dy ndeshjet përgatitore të kombëtares franceze përballë Ekuadorit dhe Paraguajit, për shkak të dyshimeve rreth lëndimit të gjurit.