Një hulumtim i realizuar nga Universiteti i Northwesternit ka treguar se dalja nga një lidhje romantike shërohet shumë më shpejt se që është menduar.

Ekspertët i kanë përcjellë studentët të cilët kanë qenë në lidhje së paku dy muaj, dhe pas ndarjes ata i kanë pyetur se si i parashikojnë javët e ardhshme. Shumica prej tyre kanë pohuar se do të vuajnë disa muaj.

Më së keqi janë ndier ata të cilët janë braktisur dhe ata të cilët kanë qenë shumë të dashuruar.

Megjithatë të gjithëve u është dashur një kohë e barabartë për t’u shëruar plotësisht nga zemra e thyer, mesatarisht dhjetë javë, dyfish më shkurtë nga sa ata vetë kanë pritur.

Kjo besohet të jetë rezultat i asaj se njerëzit janë shumë më fortë sesa mendojnë. Zakonisht nuk e dinë se cilët mekanizma të mbrojtjes i kanë në dispozicion, mirëpo pa pengesa i shfrytëzojnë ato.

Pas ndarjes, njerëzit i kujtojnë anët negative të partnerit, madje edhe ato të cilat u janë dukur simpatike, i konsiderojnë të këqija. Për këtë arsye më lehtë përballen me ndarjen.