Njė grup i shkencėtarėve amerikanė prezantuan majmunin, i cili ushqehet me ndihmėn e dorės sė robotizuar derisa dy duart e tij nuk janė funksionale.
Edhe më interesante është se majmuni dorën e lëviz vetëm me përdorimin e trurit të tij. Ky është rezultat i eksperimentit revolucionar që e zbatuan shkencëtarët e Universitetit të Pitsburgut, të udhëhequr nga doktor Endru Shvarc.
"Po përdorim mikro-elektroda, që i inkorporojmë në pjesën e caktuar të cipës së trurit. Ato i pranojnë sinjalet nga nervat. Pastaj ato barten deri te kompjuteri i cili i interpreton sinjalet dhe praktikisht e dërgon urdhrin për lëvizjen e dorës së robotizuar", tha Endru Shvarc.
Shkencëtarët eksperimentet i zbatuan me sukses në dy majmunë. Qëllimi i tyre është që ta përsosin sistemin, ta zhvillojnë nyjën dhe gishtërinjtë e robotizuar sikurse një dorë e vërtetë. Shvarc shpreson se teknologjia e këtillë në të ardhmen do të mundësojë zhvillimin e protezave të posaçme për njerëzit me bosht kurrizor të dëmtuar ose me kufizime të tjera trupore, që tërësisht të mund t'i kthejnë aftësitë e tyre.
