Milani synon të eliminojë konkurrencën e Interit në tentim për të marrë shërbimet e sulmuesit të Barcelonës, Samuel Eto'o, duke ofruar para ‘të thata’.

Interi ka qenë në biseda për disa javë me Barçën për Eto’o dhe kishte ofruar para, si dhe opsion me ndërrim lojtarësh. Hernan Crespo, Adriano dhe Dejan Stankoviq, që të gjithë i ishin ofruar gjigantit spanjoll.

Por, sipas Gazzetta dello Sport, Milani tashmë ka zhvilluar kontakte me Barcelonën dhe ka ofruar rreth 28 milionë euro për kamerunasin.

Nga ana e tyre, drejtuesit e Barcelonës e kanë pranuar faktin që Eto’o duhet të largohet gjatë kësaj vere, por mbetet të shihet në cilin klub.