Ish-portieri i Arsenalit, Jens Lehmann, do të luajë në Bundesliga gjatë sezonit të ardhshëm, pasi që ka nënshkruar marrëveshje njëvjeçare me Stuttgartin.

Lehman, 38-vjeçar, e kompletoi kalimin e tij tek ekipi gjerman para se të fluturojë për në Zvicër me pjesën tjetër të kombëtares gjermane, ku do të jetë pjesë e kampionatit evropian Euro 2008.

Këtë sezon Lehmann ka luajtur vetëm shtatë ndeshje në Premierligë për Arsenalin, dhe pas disa gabimeve në ndeshjet e para, ai humbi vendin e tij në formacionin e parë ndaj Manuel Almunias.

Stuttgarti, i cili ishte kampion në sezonin e kaluar, këtë sezon përfundoi vetëm në pozitën e gjashtë të tabelës së Bundesligës.