Ambasadorėt e Zvicrės dhe Austrisė nė Shkup nė njė konferencė pėr shtyp njoftuan se ndeshja finale e Kampionatit Europian do tė ndiqet nė sheshin Maqedonia.
Ambasadorët e organizatorëve të Kampionatit Europian në futboll Zvicrës dhe Austrisë, Nikoll Virsh dhe Allojs Kraut, në konferencë për shtyp shpalosën disa detaje rreth organizimit të EURO 2008. Ata paralajmëruan festë sportive në sheshin Maqedonia për ndeshjen finale të EURO 2008
"Ne kemi menduar dhe bashkërisht jemi dakorduar që ndeshjen finale të Kampionatit Europian ta ndjekim bashkërisht në sheshin Maqedonia. Do të organizojmë gjatë gjithë mbrëmjes program në të cilin do të merr pjesë një dixhej i njohur nga vendi ynë dhe disa grupe muzikore nga Zvicra dhe Maqedonia", tha ambasadori i Zvicrës Nikoll Virsh.
Ambasadori i Austrisë, Allojs Kraut paralajmëroi se pret që përfaqësuesja e Austrisë të gjendet në finalen e EURO 2008, ndërsa ai së bashku me të gjithë të tubuarit në sheshin e Shkupit do ta ndjekë ndeshjen finale, pasi që biletat për të ndjekur ndeshjet drejtpërsëdrejti ka kohë që janë shitur.
"Në këtë Kampionat për fat të keq nuk ka më bileta në shitje, dhe për këtë shkak kemi siguruar një video-bim gjigant, që më 29-të qershor do të ndjekim së bashku finalen në sheshin Maqedonia", deklaroi ambasadori i Austrisë në Shkup, Allojs Kraut.
Sipas ambasadorit të Austrisë me këtë dëshirojnë që sadopak të bëjnë që atmosfera e këtij evenimenti të ndjehet edhe në Maqedoni.
