Në Kinotekën e Maqedonisë që nga e premtja e deri më 13 qershor do të shfaqen filma suedeze nga regjisori i njohur Ingmar Bergman.

Me ciklin e filmave “Bergman dhe gratë“ Kinoteka e Maqedonisë e përfundon sezonin. Bëhet fjalë për 7 filma nga regjisori i njohur suedez Ingmar Bergman dhe një film dokumentar për jetën e tij. Sipas Ilindenka Petrushevës, filmat e Bergmanit janë pak të vështirë për t’i ndjekur por secili mund të gjejë veten në atë. Bergmani, sipas saj, do të mbetet një prej emrave që i rezistoi presionit komercial në industrinë filmike.

“Bergman në karrierën e tij ka bërë vetëm filma për njeriun. Ai në mënyrë suptile i sqaron marrëdhëniet midis njërëzve. Patjetër se në Suedi është shumë më interesante se sa në filmat e tij, por Bergmani në fakt nuk flet për Suedinë por flet për tërë botën dhe për njërëzit”, tha Petrusheva.

Hapja e ciklit do të bëhet më 6 qershor që është festë zyrtare e Suedisë.

“Edhe pse nuk ka momente autobiografike, në filmat që do të keni mundësi t’i ndiqni ka momente që flasin për marrëdhëniet familjare, për shembull marrëdhëniet mes babait dhe birit, nënës dhe vajzës ose burrit dhe gruas”, theksoi përfaqësuesi i ambasadës suedeze Sven Milander.

Ingmar Bergman është njëri prej regjisorëve më me ndikim në kinematografinë moderne. Ai ka xhiruar 62 filma dhe 170 shfaqje teatrore. Në filmat e tij flitet për vdekjen, sëmundjen, tradhëtinë, fatin etj. Pjesë e ciklit filmik janë edhe filmat e shpërblyer “Klithma dhe përshpëritje” dhe “Sonata e vjeshtës“.

Çmimet e biletave do të jetë 50 denarë ndërkaq për studentët hyrja është falas.