Shoqëria Kulturo-Artistike “Dasma e Karadakut” nga Gjilani, do të jetë pjesëmarrëse e Festivalit të Pestë Mbarëkombëtar të Instrumentistëve të Vegjël Popullor, që do të mbahet me 6 deri 8 qershor në Fushë Arrëz të Shqipërisë.

“Ne Shqipëri do të prezantohet program i zgjedhur nga melosi dhe tradita e Karadakut te Gjilanit” ka bere te ditur Ruzhdi Gagica, kryetar i ansamblit. Shoqëria Kulturo-Artistike “Dasma e Karadakut”, është themeluar para gjashtë vitesh dhe deri më tash ka shfaqur 63 koncerte, ka qenë pjesëmarrëse në 16 festivale nëpër vende të ndryshme në Kosovë dhe vendet fqinjë si Maqedoni, Mal të Zi, Shqipëri, Serbi (Luginë të Preshevës) si dhe në Turqi.