” Dhe një muaj dhe nuk kthehet më. Fjala është për Adi Krastën dhe kanalin “Top Channel”, televizion në të cilin prezentatori i njohur Adi Krasta drejton emisionin e përditshëm “New day”, që transmetohet çdo mëngjes, edhe në valët e “Top Albania Radios”. Në fund të qershorit mbyllet kontrata me këtë televizion, gjë që ndoshta do ta bëjë Adi Krastën të rikthehet sërish në radion “Club FM”. Ai është parë para pak ditësh në ambientet e radios “Club FM”, ku edhe ka pohuar se dhe një muaj do të qëndrojë në “Top Channel”, dhe nuk kthehet më.

Krasta mbyll kështu dhe emisionin “New day”, një format ndryshe që padyshim iu desh kohë të mësonte publikun, e ambientuar prej vitesh me “Goodmorning Albania”. Krasta e ka shprehur vazhdimisht që radio është një nga dobësitë e tij, dhe mbase programi i mëngjesit nuk ia kënaqte si duhet këtë ambicie të tij edhe pse ai shikohej në televizion, por dëgjohej edhe në radio. Por nga ana tjetër ky largim i tij na bën të mendojmë se mbase audienca nuk ka qenë në nivelet e pritshme të Krastës. Programi “New Day” dallohej për ndërtimin e tij, dedikuar kryesisht një publiku elitar, pasi temat që Krasta diskutonte shpesh me të ftuarit aty ishin disi impenjative. Pastaj edhe orët e para të mëngjesit mbase janë disi të papërshtatshme për këtë format të zgjedhur prej tij. Nuk dihet ende asgjë për projektin e ri, që Krasta mund t’i ketë paraqitur drejtorit të radios “Club FM”. Projektet e reja në në këtë radio do të nisin të zbatohen në vjeshtë, në muajt shtator-tetor. Deri atëherë, le të presim.